PROGRAMA DE ATENCIÓN SOCIOSANITARIA

Servizo de Información e Asesoramento

O encargado de levar a cabo este programa é o traballador social da asociación, que responde a todo tipo de cuestións que poidan formularlle persoas con minusvalía, familiares, amigos ou profesionais; socios e non socios.
Dende a asociación informamos e asesoramos sobre os trámites para a consecución do certificado de minusvalía, a tarxeta de aparcadoiro, a exención do imposto de circulación, as axudas individuais non periódicas, axudas técnicas, hoteis, casas rurais adaptadas, sobre as nosas actividades, etc.
Por outra parte, a información solicitada por usuarios ou a remitida dende a asociación leva consigo a realización de trámites.
Outro tipo de información remitida dende esta asociación sería a que se lle envía aos socios sobre axudas, lexislación publicada, cursos, actividades, etc.

Servizo de Rehabilitación

A realización de exercicios de rehabilitación mellora a calidade de vida das persoas con discapacidade, xa que, cun tratamento adecuado e continuado, os síntomas das súas enfermidades se ven mellorados e a deterioración física é atrasada ou inclusive evitada.