PROGRAMA DE SENSIBILIZACIÓN SOCIAL

O dar a coñecer os programas e actividades da asociación, así como as necesidades, demandas e expectativas do colectivo de persoas con discapacidade, é unha das preocupacións desta entidade.

Este programa pretende contribuír a eliminar as barreiras sociolóxicas, ou educacionais, que impiden que as persoas sen discapacidade vexan as persoas con minusvalía como iguais polos prexuízos existentes na nosa sociedade.

Dende a Asociación impartimos charlas en colexios, concellos, ou en calquera entidade que nolo solicite, tanto para sensibilizar a poboación como para a prevención da discapacidade física.